Главная » SHOU-BIZNES habarlari

Aziza Niyozmetova ijodining 25 yilligi munosabati bilan yubiley konsert o`tkazmoqchi

 
 
Iste`dodli xonanda Aziza Niyozmetova ijodining 25 yilligi munosabati bilan yubiley konsert o`tkazishga qaror qildi. 
 
Konsert 26-27 yanvar kunlariga belgilangan, hozirda xonanda yakkaxon dasturi uchun jiddiy tayyorgarlik ko`rmoqda. Dasturda nafaqat yangi, balki muxlislar qalbidan chuqur o`rin egallagan qo`shiqlar ham o`rin olishi rejalashtirilmoqda.
 
– Jonli ijroda konsert berish niyatim bor edi. Ammo sozandalar tarkibi bilan bog`liq muammolar sabab, ba`zi qo`shiqlarni fonogramma orqali ijro etishga qaror qildim. Ammo konsert repertuarining asosiy qismini jonli ijroda kuylayman, - deydi xonanda Aziza Niyozmetova.
 
Xullas, qish faslining qahraton kunlarida Aziza Niyozmetova “Yuragimdan joy beraman, kelsangiz” deya ashaddiy muxlislarini “Istiqlol” san`at saroyi tomon chorlamoqda.

Источник: darakchi.uz
Категория: SHOU-BIZNES habarlari | Добавил: AdminoFF (11.11.2016)
Просмотров: 129 | Теги: Aziza Niyozmetova | Рейтинг: 0.0/0
Всего комментариев: 0
avatar