“Бавария” президенти Гитлер жазо ўтаган қамоқхонага юборилади

Бу ҳақда Германия ОАВлари хабар бермоқда. Бу қомоқхона барчага Адольф Гитлер жазони ўтаганлиги билан машҳур.  

Ҳозирча Хёнессни қайси колонияга юборишлиши ҳақида расмий хабар берилмаган. Аммо Германия нашрлари бундай жиноят билан ҳукм қилинганлар айнан Ландсберг колониясига юборилишини айтишмоқда. Ушбу қамоқхона шунингдек, "Бавария Алькатраси" деб ҳам аталади. Колония 100 йил аввал ташкил қилинган бўлиб, у 565 кишига мўлжалланган. 

Гитлер Ландсберг колониясида 1923 йил Германия ҳукуматини ағдариш ҳаракати учун жазони ўтаган. У беш йилга қамоқ жазосига ҳукм қилинганига қарамай, 9 ойдан сўнг озодликка чиққан. 

"Бавария” президенти Ули Хёнесс 3,5 миллион евро миқдорида солиқ тўламаганликда айбланган эди. Бироқ душанба куни бўлиб ўтган суд давомида унинг адвокати тўланмаган солиқ миқдори аслида 15 миллион еврога кўплигини маълум қилган. Шу билан Ули Хёнесс клуб президентлиги лавозимини ҳам тарк этди.