Benom guruhi - Chunki, bu biz kinokonserti namoyishiga oz qoldi

Ma’lumki, 1, 2 may kuni “Istiqlol” san’at saroyida Benom guruhi o‘zining navbatdagi “Chunki bu biz” deb nomlangan kinokonsertini namoyish qiladi. Ko‘plab muxlislar kutayotgan konsertga sanoqli kunlar qoldi. Jonli ijroda bo‘lib o‘tadigan dastur uchun maxsus yaratilgan Jamshid Xojiniyozovning “Chunki bu biz” filmi ham konsert davomida premera qilinadi. Shuning uchun ham bu oddiy konsert emas, kinokonsert. Filmda Benom guruhining “Eslamading” va “Fevral” klipining qahramonlari taqdiri aks etadi. Ali va Gulining munosabatlari rivojiga aynan konsertga tashrif buyurgan tomoshabinlar guvohi bo‘lishadi.