Ботаника боғи қачон очилиши маълум бўлди

Маълумки, шу йилнинг феврал ойида Тошкентдаги Ботаника боғи ҳукумат қарори билан реконструкция ишларини ўтказиш учун вақтинча ёпилган эди.

Podrobno.uz нашрининг маълумотларига кўра, боғнинг реконструкциядан сўнг расмий очилиши 1 май куни бўлиб ўтади. Аммо бундан олдин боғда 19 апрел куни Наврўз айёми нишонланади. Шу муносабат билан бу ерга барча ҳоҳловчилар таклиф этилади.

Ҳозирда Ботаника боғида Марказий ва Шарқий Осиё, Шимолий Америка, Европа, Кавказ, Узоқ Шарқ ва Қрим флора экспозициялари қайта тикланган. Режага кўра, ҳар бир ўсимлик майдонида ўсимликлар номи акс этган тахтача қўйилиб, қарийб 200 та скамейкалар ўрнатилади.