Бугун Испания кубоги финал учрашуви бўлиб ўтади

Бугун тунда “Барселона” ҳамда “Реал” клублари Испания кубоги учун майдонга чиқишади.  

Ушбу қизиқарли бўлиб ўтиши кутилаётган учрашувда “Реал” клуби етакчи футболчиси Криштиану Роналдунинг майдонга тушиши сўроқ остида турибди. Навбатдаги “Эль-классико”да  илк бор учрашувнинг бош саҳнасига Гарет Бейл ҳамда Неймар чиқиши кутилмоқда. Сабаби, Роналдунинг майдонга тушиши сўроқ остида турган бўлса, “Барселона” етакчиси Леонел Месси ўз даражасидаги ўйинни намойиш қила олмаяпти.  Кўпгина муҳлисларнинг фикрича, ёзда бўлиб ўтадиган ЖЧда Месси сўнгги бор юқори даражаги ўйинини ушбу мусобақада кўрсатади.  

Қайд этиш жоизки, “Барселона”нинг чемпионлар лигаси доирасидаги “Атлетико”га қарши  учрашувида Мессининг бор йўғи 6,5 км югургани катта танқидга учрашига сабаб бўлди. Ушбу учрашувда Хави 11 км, дарвозабон Пинто эса 5 км югурган. 

Финал учрашуви Валенсиядаги “Месталья” стадионида бўлиб ўтади. Учрашув Тошкент вақти билан 00:30 да бошланади. Ушбу учрашувни Россиянинг “Россия 2” ҳамда “Спорт 1” телеканаллари орқали транслация қилинади.