Буюк Хитой деворига ёзиш мумкин бўлди

Буюк Хитой деворини тирналган ёзувлардан ҳимоя қилиш мақсадида сайёҳлар ёзув қолдиришлари учун махсус жой ажратилди. Ҳозирда Буюк Хитой деворида ўйилган ёзувлар сони жуда кўпайиб кетган. Бу эса вақт ўтгани сайин жиддий муаммога айланмоқда. Сайёҳлар ўзларини исмларини деворга ўйиб ёзишмоқда. Сайёҳларнинг бу одатлари туфайли мамлакат ҳукумати янги лойиҳа ишлаб чиқишига тўғри келди. Улар Буюк Хитой деворининг Мутяньюй майдонида сайёҳларнинг ёзув қолдиришлари учун махсус жой ажратишди. Шунингдек, Хитой ҳукумати электрон сенсорли экранларни яратишни режалаштирмоқда. Бундан ташқари Буюк Хитой девори маҳалий фермерлардан ҳам зарар кўрмоқда. Улар деворни бўлакларга бўлиб, уй ва йўл қуриш учун қурилиш материали сифатида ишлатишмоқда.