Di Kaprio nomiga qo‘ng‘izni atashdi

Borneo orolidagi Malio Beysin qo‘riqxonasida tadqiqot olib borgan holland entomologlari yangi qo‘ng‘iz turini aniqlashdi. Suv qo‘ng‘izining yangi turini filantrop va bioturlar uchun kurash olib boruvchi aktyor Leonardo Di Kaprio nomiga «Grouvellinus leonardodicaprioi» deb atashdi. Bu haqda «Korrespondent.net» xabar qilmoqda.

Olimlar shu tariqa aktyorga noyob ekotizimlarni o‘rganuvchi ekologik fond yaratgani uchun minnatdorlik bildirishdi.

Di Kaprio esa bunga javoban qo‘ng‘izning suratini o‘zining «Facebook»dagi sahifasiga asosiy surat qilib joylab qo‘ydi.