Eronlik taniqli kinorejissor Abbos Kiorustamiy olamdan o‘tdi

Mart oyida ichak saratoni tashxisini olgan ijodkor Parijda davolanayotgan edi.

“Kiorustamiy Eron kinosini butun dunyoga mashhur qildi. U kino olamini o‘zgartirib yubordi: Gollivudning qattiqqo‘l filmlariga ters ravishda uni yumshatdi, insoniylashtirdi”, — deb marhumni yodga oldi uning eronlik hamkasbi Muhsin Maxmalbof.

Kiorustamiyning eng mashhur filmlaridan biri — “Gilos ta’mi” 1997-yilda Kann festivalining bosh sovriniga munosib topilgan edi. U jami 40 kartina muallifidir. Oxirgi filmini (“Oshiq kabi”) Kiorustamiy 2012-yilda Yaponiyada suratga tushirgan edi.