“Gangnam Style” энг яхши рақс сифатида тан олинди

Кореялик рэпер "PSY”нинг "Gangnam Style” қўшиғига олинган ролиги тарихдаги энг яхши рақс клипи сифатида тан олинди.

Олинган натижалар бўйича "Gangnam Style” овозларнинг 8,3% ни, Майкл Жексоннинг "Thriller” композицияси – 7,1% овозни олган. Жексоннинг яна бир "Bad” қўшиғи учинчи ўринни эгаллаган. Шунингдек, биринчи бешталикка "Макарена” ва Бейонсенинг "Single Ladies” композициялари ҳам кирган.

Бундан ташқари ТОП-10 таликдан Мадоннанинг "Vogue”, "MC Hammer”нинг "Harlem Shake”, "Can't Touch This" ва Майкл Жексоннинг "Billie Jean” қўшиғига олинган клипи ҳам ўрин олган.

Маълумотнома.

"Gangnam Style” қўшиғига олинган видео "YouTube” порталида 2012 йилнинг  15 июлида пайдо бўлганди. Ҳозирга қадар ролик 1 млрд. 764 млн. марта кўрилган бўлиб, бу борада мутлақ рекорд ўрнатган.  

"PSY”нинг янги "Gentleman” қўшиғининг видеоси интернетга шу йил апрелда жойлаштирилди. Айни пайтгача уни 425 миллиондан зиёд киши томоша қилган.

 Manba:darakchi.uz