Шоу-бизнеснинг энг бадавлат жуфтликлари эълон қилинди (ФОТО)

"Forbes” журнали шоу-бизнесдаги энг бой жуфтликлар рейтингини нашр этди. Унда биринчи ўринни хонанда Бейонсе ва унинг турмуш ўртоғи таниқли рэпер Jay Z эгаллади.

Ушбу жуфтлик супермодель Жизель Бундхен ва спортчи Том Брэди ҳамда дунёдаги энг машҳур жуфтлик – Анжелина Жоли ва Бред Питт каби жиддий рақибларини ортда қолдиришга муваффақ бўлди. Бейонсе ва Jay Z биргаликда 2012 йил июнидан 2013 йил июнигача қарийб 95 миллион доллар ишлаб олган. Оила кармонига пуллар Бейонсенинг гастрол туридан ҳам, рэпер альбомларининг сотувидан ҳам тушган.

Таниқли модель Жизель Бундхен ва унинг турмуш ўртоғи Том Брэди бир йил ичида 80 миллион доллар ишлаб олишга муваффақ бўлди. Дунёнинг энг кўп пул оладиган модели бўлган Бундхен оила бюджетига 4 миллион кўпроқ пул келтирган. Унинг эри Том Брэди Америка Миллий футбол лигасида ўйновчи "Нью-Ингленд Пэтриотс” жамоасининг аъзоси.

Машҳур актёрлар Бред Питт ва Анжелина Жоли биргаликда ишлаб топган 50 миллион доллар билан "Forbes” рейтингида учинчи ўринга чиқиб олди.

Улардан кейин рейтингда Эштон Кутчер ва Мила Кунис жойлашди, улар биргаликда 35 миллион доллар йиллик даромад олган.

Бадавлат шоу-бизнес вакиллари рейтинги бешталигига рэпер Канье Уэст ва модель Ким Кардашьян нуқта ясади. Айтиш жоизки, 2013 йил 15 июнда қиз фарзанднинг дунёга келиши ҳам бахтиёр ота-онага бир йил ичида 30 миллион доллар ишлаб олишга халақит бермаган.