Instagram ижтимоий тармоғида сериал кўриш имкони пайдо бўлди

Facebook компаниясига тегишли Instagram ижтимоий тармоғи ўзи ишлаб чиқарган биринчи мини-сериал намойишини бошлади. Режиссёр Энтони Уилкокс томонидан суратга олинган Shield 5 триллери ҳар бири 15 сониядан иборат 28 та эпизоддан иборат. Шу тариқа сериалнинг умумий давомийлиги 7 дақиқани ташкил қилади. Instagram’да февраль ойи давомида ҳар куни сериалнинг янги серияси бериб борилиши ваъда қилинди. Сериал воқеалари Лондонда содир бўлади, сюжети эса олмослар ўғирланиши ҳақида бўлади. Сериалнинг 1-сериясида фойдаланувчилар ўғрилик ва қотиллик билан боғлиқ жиноятлар учун қидирилаётган бош қаҳрамон Жон Свифт билан танишадилар. Instagram’да фильмлар 15 сониялик қисмлар сифатида биринчи марта намойиш қилинмаяпти. 2013 йилда режиссёр Жорж Лукаснинг "Юлдузлар жанглари" мухлислари фильмнинг 4-эпизодини ижтимоий тармоққа шу йўл билан бутунлигича юклашган. @starwarstagram тахаллусли номаълум фойдаланувчи лентани тепадан пастга қараб суриш билан фильмни бошдан охиригача кўриш мақсадида фильмни ижтимоий тармоққа охиридан бошлаб қисмлаб юклаган. Бироқ Instagram муаллифлик ҳуқуқларининг бузилишини важ қилиб, тезда бу барча юкланган видеоларни ўчириб ташлаган ва фойдаланувчининг аккаунтини тўсиб қўйган.
Категория: INTERNET TARMOG'I \| Теги: instagram, Serial
Просмотров: 1753 \| Рейтинг: 0.0/0