Япония “Фукусима” атрофини муз билан ўраб чиқмоқчи

Япония ҳукумати "Фукусима” АЭСидан радиация чиқишини бартараф этиш ва сувларни зарарсизлантириш учун 500 миллион долларга яқин маблағ ажратишни ваъда қилди.

Зарарланган сув сизиб чиқишини тўхтатиш учун шикастланган реактор остидаги тупроқни музлатиш режалаштирилган. Шунингдек, янги тозалаш тизимини қуриш ҳам кўзда тутилган.

Эслатиб ўтамиз, "Фукусима” АЭСидаги реактор 2011 йили юз берган зилзила ва цунами оқибатида шикастланган эди. Якшанба куни атом электр станцияси атрофидаги радиация даражаси олдингига қараганда 18 баравар юқори экани маълум бўлди. Атом электр станциясининг оператори берган маълумотга кўра, тупроққа резервуарлардан биридан камида 300 тонна радиоактив сув сизиб чиққан.

 Manba:darakchi.uz