Хитойда тўфондан яна 200 минг киши азият чекди

Хитой жанубида жойлашган Гуанси-Чжуан автоном туманида "Трами" тўфонидан 200 минг киши азият чекди, икки киши ҳалок бўлди. Бу хакда Синьхуа агентлиги хабар беради.

Тўфон сабабли маҳаллий хукумат 4,4 минг кишини эвакуация қилишга мажбур бўлди. Табиий офат оқибатида 6,17 минг гектар қишлоқ хўжалиги майдони сув остида қолган, 492та бинога зарар етган. 

Расмий маълумотларга кўра, тўфон етказган иқтисодий зарар 25,29 млн. юан (4,13 млн доллар) га баҳоланмоқда. 

Аввалроқ, "Трами" Фуцзянь ва Чжэцзян шарқий провинцияларига ҳам ёпирилган эди. Бу ерда ҳам 351 минг киши эвакуация қилинган. Жабрланганлар сони 1,4 млн. кишини ташкил қилди.

Manba:darakchi.uz