Криштиану Роналду «Бавария»га қарши ўйнай олади

"Реал" ҳужумчиси Криштиану Роналду Чемпионлар лигаси ярим финалида "Бавария"га қарши кечадиган баҳсларда иштирок эта олади. Учрашув чоршанба куни бўлиб ўтади.

Португалиялик футболчи жароҳатдан сўнг даволаниш курсини ўтаб бўлган ва яқинда умумий гуруҳда машғулотларга қўшилди. Роналдунинг ҳолати шифокорлар томонидан қониқарли деб топилган.

Эслатиб ўтамиз, Криштиану Роналду уч ҳафта майдонга туша олмади ва кунига беш соатдан тренажер залида ҳамда бассейнда машқ олиб борди. Ҳужумчи ЕЧЛ ярим финалида ўйнай олиши учун Испания Кубоги финалида майдонга туширилмаган.

Ҳозирча Роналду "Бавария"га қарши асосий таркибда ўйнаши аниқ эмас. Аммо у захирадан майдонга тушиши мумкин.