«M&TVA-2013» мукофотига овозлар қабул қилиш бошланди

Фонд Форум, Муаллифлар ва ижрочилар Гильдияси ва «ТVM» телеканали ҳар йили ўтказиладиган саккизинчи «М&TVA» мукофотларини тақдирлаш маросимини ўтказиш хақида эълон қилади.

Сўнгги саккиз йил ичида «M&TVA» мукофоти бизнинг медиа-майдонда энг асосий ва нуфузлилардан бири бўлиб келмоқда.

«M&TVA» мукофотини хақиқаттан умумхалқ деб атаса бўлади, сабаби номинацияларга номзодлар уч босқичда сараланади, унда нафақат мутахассисларнинг балки оддий мухлисларнинг фикрлари ҳам инобатга олинади. Бунинг учун продюсерлик марказлари, газета, журналлар, радиостанция, телеканал ва киностудияларнинг таҳририятлари ўртасидаги анкеталаштириш, шунингдек мукофотнинг расмий сайтида ва SMS орқали овоз бериш ёрдамида амалга оширилади.

Айни дамда Мукофотнинг расмий сайтида севимли ижодкорларга овоз йиғиш жараёни бошланди.

Мукофтот ғолибларини аниқлашнинг энг сўнгги босқичини кинематография, радио, телевидение арбоблари, журналистлар, машҳур театр ва киноактёрлари, рассомлар, шоу-бизнес вакилларидан ташкил топган нуфузли ҳайъат аъзолари амалга оширишади.

«M&TVA-2013» мукофотининг телевизион талқинини «TVM» телеканалининг янги йил эфирида кўриш мумкин бўлади.

Manba:darakchi.uz