Нью-Йоркда газ портлаши оқибатида 2 та турар жой биноси қулади

12 март куни Нью-Йоркда газ портлаши оқибатида 3 киши ҳалок бўлди ва 2 та турар жой биноси, дўкон ҳамда черков вайрон бўлди. Ҳалок бўлган 2 нафар аёл мексикалик эканлиги айтилмоқда. Бу ҳақда Мексика ташқи ишлар вазирлиги хабар берган. Шунингдек, яна бир мексикалик эркак ҳалок бўлганлар қаторида бўлиши мумкин. Нью-Йоркнинг шарқий Гарлемида содир бўлган бу фожеа оқибатида 3 киши ҳалок бўлган ва 70 киши жароҳатланган. Айрим маълумотларга кўра, портлашдан аввал тегишли хизмат органларига газнинг сирқиб чиқиб кетиши ҳақида қўнғироқ бўлган.