O‘zbekistonda 2—3-fevral kunlari yomg‘ir va qor kutilmoqda

O‘zbekiston hududiga 2—3-fevral kunlari Kavkazdan Kaspiy dengizi orqali nam va nisbatan sovuq havo oqimi kirib kelishi kutilmoqda. Bu haqda Gidrometeorologiya xizmati ma’lum qildi.

Shu kunlari shamol sekundiga 17-22 metrgacha kuchayishi mumkin.

2-fevral kuni respublikaning ayrim hududlarida yog‘inlar (yomg‘ir, qor) kutilmoqda. Farg‘ona vodiysida yog‘insiz ob-havo saqlanib qoladi.

Aksariyat hududlarda kunduz payt 5-10 daraja iliq bo’ladi.

3-fevral kuni Qoraqalpog‘iston va Xorazm viloyatidan tashqari boshqa hududlarda qor yog‘ishi mumkin. Kunduz payti harorat 0-5 darajagacha pasayadi.