O‘zbekistonda harorat yana ko‘tariladi

Yoz faslining so‘nggi jumasi O‘zbekistonda harorat ko‘tarilishi kutilmoqda. 25 avgust kuni Toshkent shahrida havo o‘zgarib turadi, kam bulutli bo‘ladi. Harorat kunduzi 35-37 daraja issiq bo‘ladi, kechasi 17-19 daraja iliq bo‘ladi.

Qoraqalpog‘iston Respublikasi va Xorazm viloyatida ham harorat kunduzi 37 darajagacha ko‘tariladi. Kechasi 16-21 daraja iliq bo‘ladi.

Buxoro, Navoiy, Samarqand, Jizzax, Sirdaryo va Farg‘ona vodiysida ham havo o‘zgarib turadi, biroz bulutli bo‘ladi. Harorat kunduzi +32...+37 daraja. Kechasi +15...+20 daraja.

Qashqadaryo va Surxondaryo viloyatida ham harorat kunduzi 37 darajagacha ko‘tariladi. Kechasi harorat 17-22 daraja iliq bo‘ladi.

Durdona Rasulova