O‘zbekistonlik yana 3 bokschi JChning birinchi bosqichidan muvaffaqiyatli o‘tdi

O‘zbekistonning eng og‘ir vazndagi bokschisi Bahodir Jalolov (+91 kg) o‘zining birinchi jangini g‘alaba bilan yakunladi. Jazoir vakili Muhammad Grimesga qarshi bahs yuritgan Jalolov raqibidan ancha ustun ekanligini namoyish etdi va 3:0 hisobida g‘alaba qozondi. Bahodir Jalolov 9-oktabr kuni o‘tkaziladigan nimchorak finalda kubalik Liner Peroga qarshi ringga ko‘tariladi.7-oktabr kuni ringga ko‘tarilgan o‘zbekistonlik Elnur Abduraimov (-60 kg) va Elshod Rasulov (-81 kg) ham dastlabki g‘alabalarni qo‘lga kiritib, sovrinli o‘rinlar uchun kurashni davom ettiradigan bo‘ldi.Eslatib o‘tamiz, birinchi kun bo‘lib o‘tgan musobaqalarda Murodjon Ahmadaliyev (-56 kg) va Bektemir Meliqo‘ziyev (-75 kg) raqiblari ustidan ionchli g‘alabalarni qo'lga kiritgan edi.Ikkinchi kungi musobaqalar yakuniga ko‘ra, jahon chempionatiga yo‘l olgan jami 9 nafar o‘zbekistonlik bokschidan 5 nafari dastlabki bosqichdan muvaffaqiyatli o‘tdilar. Qolgan to‘rt nafar bokschisi bugun, 8-oktabr kuni endi bahslarga kirishadi.