РАМАЗОННИ ТЎХТАТМА.
Муборак Рамазонга бир икки кун қолган эди. Ҳовлидаги сўрида Марғубахон ўғлига Рамазон ойи фазилатларини ўргатиб ўтирарди.
- Ишқилиб, икковинг олим бўлиб кетмасангда - деган кесатиқ эшитилди.
Ўғил остонада мастликдан чайқалиб турган отасини кўриши билан, қўрқибгина ўрнидан туриб қўшни хонага ўтиб кетди.
Эрини оёқ кийимларини ечишга кўмаклашар экан, Марғубахон ичидаги гапини ушлаб туролмади.
- Рамазонга атига икки кун қолган бўлса, бу нима аҳвол? Одамлар муборак Рамазонни қанчалар интиқлик билан кутади. Сизда Аллоҳдан заррача қўрқув, инсоф борми?
- Эээ, товуқмия хотин! Сен менга мусулмончиликни ўқитма! Рамазонда умуман ичмаслик кераклигини биламан. Шу сабаб бугун роса тўйиб ичиб олдим. Бир ой ичмасдан юришни ўзи бўладими?!
Марғубахонни лаблари пичирлади:
-Астағфируллоҳ!
Муборак Рамазон бошланди. Барча мусулмонлар қаторида ота, она ва ўғил рўза тута бошлашди.
Энди оилада доимги уруш-жанжал йўқ, ўрнига тинчлик-тотувлик ва хурсандчилик.
Ота ишидан вақтида қайтар, биргаликда ифторлик қилишарди.
Аммо намозга она ва ўғил туришарди.
Ота, онасидан кейин ҳам жойнамоздан турмай, нималарнидир пичирлаётган ўғлига меҳр билан термулиб ўтираверарди. Ҳар куни такрорланаётган бу ҳолат унга эриш туюлди. Эндигина етти ёшга кирган ўғли нималар деб зорланаётганинига қизиқарди, лекин қулоқ солмасди.
Рамазоннинг сўнгги кунларидан бирида ота ўғлининг жойнамоз устида ўксиниб-ўксиниб йиғлаётганидан чўчиб, секингина яқинлашиб қулоқ тутди.
У йиғлаб-йиғлаб дуо қиларди:
-Аллоҳим, Рамазонни тўхтатма...
Аллоҳим, дадажоним ичмасинлар...
Аллоҳим, илтимос, Рамазонни тўхтатма...
Рамазонни тўхтатма...
Аёлининг олдига қайтган эр, титраб, зорланиб, деди:
- Марғуб, энди ичмайман. Тавба қилдим. Менга ҳам намозни ўргат!
Эртасидан бу мўъжазгина хонадонда яна бир жойнамоз тўшалди.
|
Shahzoda ft. Shoxrux - Ket mp3
