Rayhon “Tomchi” albomining taqdimotini o‘tkazdi

O‘zbekistonda xizmat ko‘rsatgan Rayhon navbatdagi albom taqdimotini o‘tkazdi. Uning yangi albomi “Tomchi” deb nomlanadi. Taqdimotga OAV xodimlari, xonandaning ashaddiy muxlislari va fan klubi tashrif buyurishdi. Rayhon taqdimot avvalida albom haqida to‘xtalib o‘tdi. So‘ngra ijodiy yangiliklarini bo‘lishdi.

Bu albomning boshqalaridan farqi, undagi ko‘pgina duetlardadir. Xonanda barcha duetdoshlariga, jumladan, Munisa Rizayeva, Sardor Rahimxon, Jahongir Poziljonov, Ziyoda, Halimaxon, Shahriyor, qolaversa “Tomchi” albomidan o‘rin olgan qo‘shiqlar muallifi Yakzon, Jasur Badalboyev, Shaxboz Navruzga hamkorlik uchun taqdimot davomida alohida minnatdorchilik bildirdi.