Rayhonning yangi klipidagi yigit uning sevgilisimi?

Хонанда Райҳон ўзининг “Табиб” қўшиғига янги клип суратга олмоқда. У ижтимоий тармоқлар орқали, режиссёр Ёдгор Носиров билан ҳамкорликдаги иш жараёнидан суратлар жойлаб бормоқда.

Маълум бўлишича, мазкур клипда Райҳон Миср маликаси Клеопатра тимсолида намоён бўлади. Шунингдек, клипда Райҳоннинг севгилиси ролини ижро этаётган дебютант актёр ҳам иштирок этмоқда. Уни кўпчилик интернет фойдаланувчилари Райҳоннинг “бойфренд”ига чиқариб ҳам қўйишди. “Shov-shuv.uz” сайти Райҳон билан боғланиб, миш-мишларга ойдинлик киритди.

“Айрим интернет фойдаланувчиларининг ёзишича, ‘Табиб’даги қаҳрамон йигит сизнинг ‘бойфренд’ингиз?!” деган саволга Райҳон:
 

“Боя шу маълумотни ўқиб, лол қолдим. Ким ўйлаб топади, бунақа миш-мишларни? Бу йигитни биринчи бор кўришим.Клипни суратга олишдан олдин қаҳрамон изладик. Шу йигитни маслаҳат беришди. Унинг ишларини кузатдик. Суратга тушишда жуда профессионал. Кейин режиссёр билан маслаҳатлашиб, уни “Табиб”да рол ижро этишини тасдиқладик. Бўлди, бошқа ҳеч қандай гап йўқ!”,—дея жавоб берди.Шунингдек, дебютант актёрнинг клипдаги образи ҳақида гапирар экан, “Бу қаҳрамон – қамбағал темирчи образини яратади. Малика билан у ёшлигидан бирга ўсишган. Дўстлик муҳаббатга айланади. Улғайгач, буни янада чуқурроқ англашади. Ҳеч қандай ижтимоий табақа чин севги йўлига ғов бўлолмайди!”— дея қўшимча қилди хонанда.