Sardor Rahimxondan qishning eng romantik premerasi

O‘zbekistonda xizmat ko‘rsatgan artist Sardor Rahimxon yaqindagina "Umidvor yurak" nomli romantik taronasini taqdim qilgan edi. Qisqa fursatda tinglovchilar ko‘nglini zabt etgan bu kompozisiyaning videoklipi ham kuni kecha premera qilindi. Qishning eng romantik premerasi deya e’tirof etilgan bu video asar albatta tomoshabinlar qalbidan munosib o‘rin egallaydi. Qo‘shiq esa klipdan so‘ng yanada ommalashishi tayin. Dilmurod Karimov rejissyorligida tasvirga tushirilgan klipning operatori Yodgor Nosirov. Klipda bosh rolni Yigitali Mamajonov ijro qilgan. Eslatib o‘tamiz, tarona Sarvar va Komil bilan hamkorlikda yaratilgan.