"Шарқ тароналари" халқаро мусиқа фестивали ғолиблари эълон қилинди (ФОТО)

30 август куни Самарқанд шаҳридги Регистон майдонидаги амфитеатрда "Шарқ тароналари” халқаро мусиқа фестивалининг тантанали ёпилиш маросими ўтказилди. Унда ғолиб ва совриндорларининг номи эълон қилинди.

 – Ҳаяжон ва фахр-ифтихоримни сўз билан ифодалашим қийин, – дейди Гран-при соҳиби, Ҳиндистон жамоаси раҳбари Рашми Агарвал хоним. – Аввало мазкур нуфузли санъат анжуманида иштирок этишнинг ўзи энг катта муваффақият эканини алоҳида таъкидламоқчиман. Бизнинг чиқишимиз юқори баҳоланиб, олий мукофотга муносиб кўрилгани ҳинд халқи санъатининг юксак эътирофи деб биламан.

 Бир қатор қўшимча номинациялар бўйича ҳам ғолиблар аниқланиб, муносиб рағбатлантирилди.

Суратда ўзбекистонлик созанда Аброр Зуфаров

Маросимда фестиваль ғолиб ва совриндорлари, юртимиз санъат усталарининг катта концерт дастури намойиш этилди.

Фестиваль байроғи туширилди. Анжуман иштирокчилари яна икки йилдан сўнг Самарқандда "Шарқ тароналари” ўнинчи халқаро мусиқа фестивалида учрашиш ниятида хайрлашдилар.

 Manba:darakchi.uz