Тошкент метросидан фойдаланувчи йўловчилар камайди

2013 йил январь-июнь ойларида юртимизда барча транспорт турлари томонидан 3302,4 млн. киши ташилган бўлиб, бу кўрсаткич 2012 йил январ-июнига нисбатан 4,0 фоизга кўпайган.

Бу ҳақда давлат статистика қўмитаси хабар беради.

Йўловчи ташиш айланмаси 6,6 фоизга кўпайиб, 43,7 млрд. йўловчи-км.ни ташкил этди. Транспорт турлари бўйича йўловчи ташиш ва йўловчи айланмаси қуйидагича ифодаланади:

Йўловчи ташишда энг катта улуш автомобил транспортига тўғри келди ва бу 98,6 фоизни, йўловчи айланмасида эса 87,2 фоизни ташкил қилди. Темир йўл транспортида йўловчилар жўнатиш 8,3 фоизга ошди ва 8,9 млн. йўловчини ташкил этди, йўловчи айланмаси 8,0 фоизга ошди ва 1810,8 млн. йўловчи-км.ни ташкил этди. Ҳаво транспорти орқали 1272,0 мингта йўловчи ташилди, бу 2012 йил январ-июнига нисбатан 1,4 фоизга камдир, йўловчи айланмаси эса 3531,1 млн. йўловчи-км.ни ташкил этиб, 8,3 фоизга кўпайди. Метрополитенда йўловчи ташиш ва йўловчи айланмаси 8,4 фоизга камайди.