Тошкентда йўловчи автобуси ёниб кетди

14 июнь куни кечки соат 19:00 ларда Тошкентнинг Кичик халқа йўлида йўловчи автобуси ёниб кетган. Бу ҳақда Mezon интернет-нашри хабар бермоқда.

Ҳ.Асомов кўчасида, аниқроғи 2-туғруқхона яқинида кутилмаганда Mercedez-Benz Conecto автобусида ёнғин юзага келган. 

Воқеа жойига ёнғинни ўчириш бўйича тезкор гуруҳ етиб келган, бироқ ёнғин туфайли автобусга катта талофат етгани суратдан кўриниб турибди. 

Маълумот ўрнида, март ойида ҳам Тошкентнинг «Чўпонота» бекатида эрталаб 2-йўналишда ҳаракат қилувчи бошқа бир йўловчи автобуси ҳам ёниб кетган эди.

 Manba:darakchi.uz