Тўрақўрғонда бўриларни йўқ қилиш бўйича махсус бўлинма ташкил этилди

Наманган вилояти Тўрақўрғон туманида ҳокимлигида бўриларга қарши кураш бўйича ишчи гуруҳ ташкил этилди, туман ободонлаштириш бўлими эса табиатни муҳофаза қилиш бўлими билан ҳамкорликда махсус отряд тузган. Бу ҳақда 12news.uz хабар бермоқда. Туман ҳокимлиги вакилларининг сўзларига кўра, 2014 йилнинг 21 февралидан бери махсус отряд томонидан бўри, шоқол, ёввойи мушук ва ит каби 77та жонивор отиб ўлдирилган. Аввалроқ, «Инсон ва қонун» газетасининг 2013 йил 8 январь сонида бўри ва тулкилар овқат қидириб, тоғлардан қишлоқларга тушиб келаётгани, алоҳида қишлоқларда эса ёввойи ҳайвонларга қарши курашиш мақсадида тунги навбатчиликлар ташкил этилаётгани ҳақида хабар берилган эди.