Ucell`нинг 9 ойдаги соф даромади 25,3 фоизга ўсди

Ucell мобил операторининг 2015 йилдаги соф даромади 2014 йилнинг худди шу даврига нисбатан 25,3 фоизга ошиб, 3,322 млрд швед кронаси ($401,407 млн)ни ташкил этди. Бу ҳақда TeliaSonera маълумотларига асосланиб UzDaily.uz манбаси хабар қилди. Бунда компаниянинг учинчи чоракдаги пул тушуми 1,178 млрд швед кронаси (тахминан $142,372 млн)ни ташкил этиб, 2014 йилнинг шу даврига нисбатан 22,2 фоиз ўсиш кузатилди. TeliaSonera маълумотларга кўра, Ucell абонентлар базаси 2015 йил 9 ойида 8,642 млн кишини ташкил этиб, 2014 январь-сентябрь ойларига нисбатан 2,4 фоиз ўсишга эришилган. 2015 йил учинчи чораги якунларига кўра, ҳар бир абонентнинг бир ойда фойдаланган дақиқалари (MOU кўрчаткичи) 321 дақиқани ташкил этди. 2014 йилнинг худди шу даврида эса бу кўрсаткич 330 дақиқани ташкил этган эди.
Категория: MOBILE ALOQA KOMPANIYALARI \| Теги: мобил оператор, Ucell
Просмотров: 1051 \| Рейтинг: 0.0/0