Уч ёшар қиз икки ёшли укасини отиб ўлдирди

АҚШнинг Коллеж-Уорд шаҳрида уч ёшли қиз ўзининг икки ёшли укасини милтиқдан отиб қўйди.

 Шаҳар полицияси хабарига кўра, қизалоқ уйдан отасининг милтиғини топиб олган ва укасига ўқ узган. Ўқ боланинг қорнига теккан. Бола тезда шифохонага етказилган, аммо унинг ҳаётини сақлаб қолиш имкони бўлмаган, дея ёзади ИТАР-ТАСС ахборот агентлиги. 

Қайд этилишича, қизалоқ милтиқни қўлга олганида қурол ўқланмаган ҳолда бўлган, аммо қизча ўқни ўқдонга жойлашни уддалаган.

Ҳалокат вақтида ота-она уйда бўлган. Улар бир неча дақиқага болаларни қаровсиз қолдиришган ва айнан шу вақтда ушбу фожеа юз берган. Ҳозирча ҳалокат юзасидан ҳеч қандай айблов қўйилмаган. Фожеа бахтсиз ҳодиса сифатида қабул қилиниши мумкин.