Vladivostokda ikki o‘zbekistonlik erkakning jasadi topildi

Vladivostokning Lazurnaya ko‘rfazidagi kafelardan birida o‘zbekistonlik ikki erkakning jasadi topildi. Bu haqda “Deita.ru” xabar berdi.

Ma’lumotlarda qayd etilishicha, jasadlar qo‘shimcha xonalardan topilgan. Polisiya xodimlarining aniqlashicha, marhumlar 40 yosh va 54 yoshli kishilar bo‘lib, O‘zbekiston fuqarolari ekanligi aniqlangan.

Dastlabki taxminlarga ko‘ra, ularning o‘limiga katta bo‘lmagan pechning uglerod gazidan zaharlanish sabab bo‘lgan.

Ayni vaqtda mazkur voqea yuzasidan tergovoldi tekshiruvlari olib borilyapti.

Durdona Rasulova