Ўзбекистонда автомобил нархи кўтарилиши ҳақидаги хабарга раддия берилди

"Ўзавтосаноат” компанияси матбуот котиби Жасур Акромов Ўзбекистон ички бозорида GM
Uzbekistan ҚКнинг автомобиллар нархи кўтарилиш ҳақидаги хабарга раддия берди. "Ушбу тарқалган маълумот хақиқатга мутлақо зид", - дея таъкидлади компания вакили. Бу ҳақда 12news.uz нашри хабар берди. Аввалроқ мамлакатимизда 2014 йилда автомобиллар нархи 7 дан 12 фоизгача ошиши ҳақида хабар тарқалган эди.