Ўзбекистонлик ёшлар эртага #BoburDay акциясини ўтказишади

14 февраль куни соат 14:00дан бошлаб олий таълим муассасаларининг ташаббускор ёшлар гуруҳи томонидан навбатдаги виртуал акцияга старт берилади. Шу куни ўзбекистонлик Twitter фойдаланувчилари буюк мутафаккир ва давлат арбоби Заҳириддин Муҳаммад Бобур таваллудининг 533 йиллигига аталган #BoburDay ҳештегини дунё трендига олиб чиқишга ҳаракат қилишади. Ушбу акцияда барча ижтимоий тармоқ фаоллари #BoburDay ёзувини қўллаган ҳолда пост қолдириб, ўзларининг муносиб ҳиссаларини қўшиши мумкин. Уларга ўзбек эстрадаси, кино санъатининг ёрқин вакиллари ҳамда шоу-бизнеснинг бошқа вакиллари ҳам яқиндан ёрдам беришни ваъда қилишган. Эслатиб ўтамиз, ўзбекистонлик ёшлар 9 февраль куни Twitter микроблогида яна бир буюк аждодимиз Алишер Навоий таваллудига аталган #Navoiy575 ҳештегини дунё трендига олиб чиқишга эришган эди.
Категория: MAXALLIY YANGILIKLAR \| Теги: ўзбекистонлик, yoshlar, #BoburDay, акциясини ўтказишади, эртага, ёшлар
Просмотров: 1052 \| Рейтинг: 0.0/0