Жек Николсон кинони тарк этяпти

Голливуднинг машҳур актёри Жек Николсон хотираси билан боғлиқ муаммолар туфайли ўзининг кинодаги фаолиятини якунламоқчи.

 Бу ҳақда РИА "НОВОСТИ” актёрга яқин бўлган манбаларга таянган ҳолда маълум қилади. "Жек пенсияга кетди. Очиғини айтганда, Николсонда хотира билан муаммолар пайдо бўлган, у ўз ролларининг матнини эслаб қололмаяпти", — дея қайд этади манба.

Эслатиб ўтамиз, Голливуднинг буюк актёрларидан бири ҳисобланган Николсон уч марта "Оскар” мукофотига сазовор бўлган, шунингдек у еттита "Олтин глобус” соҳиби. Актёр ўзининг энг машҳур ролларини "Хитой квартали”, "Какку уяси устидан учиб...”, "Бэтмен” ва бошқа фильмларида ижро этган.

 Manba:darakchi.uz