5-mart kuni Sochi shahrida O‘zbekiston bayrog‘i ko‘tariladi

Mazkur musobaqada 47 davlatdan 1600 nafar sportchi 72 ta medallar jamlanmasi uchun bellashadi. Paralimpiya o‘yinlarida tog‘ chang‘isi, chang‘i poygasi, slej-xokkey, biatlon va kerling (kolyaskada) sport turlari bo‘yicha musobaqalar o‘tkaziladi.

XI qishki Paralimpiya o‘yinlarida Vatanimiz sharafini Yevgeniy Slepov va Ramil Gayazovlar himoya qiladi. Har ikki sportchi ham 2013-yili Gollandiyaning Landgraf shahrida bo‘lib o‘tgan xalqaro musobaqada Paralimpiya o‘yinlari yo‘llanmalarini qo‘lga kiritgan. 

Yevgeniy Slepov snoubord musobaqalarida bahslarga kirishsa, Ramil Gayazov tog‘ chang‘i sporti bo‘yicha o‘tkaziladigan musobaqalarda g‘oliblik uchun kurashadi. Ulardan birinchi bo‘lib bahslarni 13-mart kuni (Toshkent vaqti bilan soat 17:15 da) Ramil Gayazov boshlab beradi. 14-mart kuni Toshkent vaqti bilan soat 11:00 da Yevgeniy Slepov bahslarga kirishadi.

Eslatib o‘tamiz, XI qishki Paralimpiya o‘yinlarining ochilish tantanalari 7 -mart kuni Toshkent vaqti bilan 20:00 da boshlanadi. Ushbu marosimda O‘zbekiston bayrog‘ini Ramil Gayazov maydonga olib chiqadi.