Давлат тест маркази абитуриентларни огоҳлантиради!

Кейинги йилларда олий таълим муассасаларига кирувчиларучун хилма-хил тест саволлари сотувга чиқарилмоқда, ҳатто жавоблари билан. Аксарият китоблардаги тест саволларининг манбалари, китоб чоп этилган босмахона номи ва санаси берилмаган.

Саволлар экспертизадан ўтказилган ёки ўтказилмаганлиги, саволларнинг мазмуни давлат таълим стандартлари ва ўқув дастурларига мувофиқлиги ҳам номаълум. Энг ачинарлиси, бундай китоблар "Давлат тест маркази ҳамкорлигида тайёрланган” деган ёзув остида чоп этилмоқда. Ваҳоланки, Давлат тест марказида мавжуд саволлар базаси асосида 2009 йилдан буён тест саволлари чоп ҳам этилмаган, бошқа ташкилотлар билан бу борада шартнома ҳам тузилмаган, шунингдек, Давлат тест маркази номидан тест синови ўтказиш ваколатини ҳам бермаган.

"Сохта” тадбиркорлар томонидан чоп этилаётган шакл, тузилиш (кўриниши) ва ҳажм жиҳатдан Давлат тест маркази томонидан ўтказилаётган тест синовларида ишлатилаётган саволлар китобига ўхшаш бундай манбалар фойдаланувчини алдаши мумкин холос.

Давлат тест маркази томонидан 2014/2015 ўқув йилида Ўзбекистон Республикаси олий таълим муассасалари, олий ҳарбий таълим муассасалари, ўрта махсус, касб-ҳунар таълими муассасалари (Академик лицей ва Касб-ҳунар коллежлари)га кирувчилар таълим йўналишлари бўйича тест синовига тайёргарлик кўриш учун, педагог ходимлар малака тоифаси олишда мутахассислик фанларидан тайёргарлик кўриши учун диагностик тест тизими йўлга қўйилган. Бу борада барча маълумотларни www.dtm.uz сайтидан олиш мумкин.

Категория: MAXALLIY YANGILIKLAR | Теги: Давлат тест маркази, Абитуриент

Просмотров: 1695 | Рейтинг: 0.0/0

Похожие материалы

Абитуриент-2014: давлат тест маркази огоҳлантиради

18.04.2014 1926

Давлат тест марказига янги раҳбар тайинланди

11.04.2014 1161

запомнить
Забыл пароль \| Регистрация

Логин:
Пароль: