Endi Twitter’da har bir tvitning necha marta ko‘rilgani aks etadi

Twitter’ning iOS va Android dasturi ba’zi foydalanuvchilari mikroblogning yangi xizmatni ishga tushirganini ma’lum qildi: endi Twitter’da har bir tvit necha marta ko‘rilgani aks etadi. Bu haqda "Sukerberg pozvonit” nashri xabar berdi.

Ta’kidlash joizki, servisning avvaldan mavjud bo‘lgan ko‘rsatkichlari — yulduzcha va "retvit” bavosita ko‘rsatkichlar bo‘lib, ular tvitning haqiqatda necha marta ko‘rilganini, qanchalik ommalashganini ifoda etmas edi.

Xabarda aytilishicha, yangi xizmat bir tomondan foydalanuvchilarga yanada ko‘proq tvitlar yozish uchun turtki bo‘lsa, ikkinchi tomondan, agarda ko‘rsatkichlar soni past bo‘lsa, ularning shashtini pasaytirishi ham mumkin.