Коронавирусга қарши Россияда ишлаб чиқарилган вакцинани одамларда синовдан ўтказиш муддати маълум қилинди

Аввалроқ америкалик тиббиёт ходимлари янги турдаги коронавирусга қарши вакцинанинг дастлабки синовлари натижаларини эълон қилишганди.

Коронавирусга қарши вакцина прототиплари кемирувчилар ва приматларда синовдан ўтказилмоқда, одамларда синаш июндан  бошланди. Бу ҳақда «Вектор» илмий маркази директори Ринат Максютов маълум қилди.

Мутахассиснинг сўзларига кўра, вакцинани маймунларда синаш апрель охиригача ўтказилади, шундан сўнг клиник олди тадқиқотлари босқичига ўтилади. 

«Кейинги босқич эса одамларда ўтказилади», — деди у.

Максютов аввалроқ COVID-19 йўқолиб кетмаслигини, мавсумий касалликка айланиши мумкинлигини айтганди.

Куни кеча америкалик тиббиёт ходимлари янги турдаги коронавирусга қарши вакцинанинг дастлабки синовлари натижаларини эълон қилишди. Кўрсаткичлар умидли  деб айтмоқда. аммо олимларнинг олдинда қиладиган ишлари ҳали кўп.