Lokomotiv боғининг очилиши куни 50 мингдан ортиқ киши ташриф буюрди

Боғнинг Фейсбукдаги расмий саҳифасида эълон қилинишича, боғга илк кундан 50 мингдан ортиқ киши ташриф буюрган.

Бир йил давомида қурилган янги боғда 32 та аттракцион мавжуд. Ташриф буюрувчиларнинг қулайлиги учун махсус пластик карточкалар ишлаб чиқилган бўлиб, унга исталган суммани ташлаб, барча аттракционларда чексиз вақт ўтказиш мумкин бўлади.

Байрам куни ана шундай қиймати 50 минг сўмлик карточкаларнинг бири ўйналди.

Ҳокимиятнинг қарори билан Наврўз айёми куни боғ одатдагидан кўра вақтлироқ соат 18:00 да ёпилди, бироқ одатий кунларда боғ соат 10:00 дан 23:00 гача ишлайди.