Октябрда янги 100 долларлик муомалага чиқади

АҚШ Федераль заҳира тизими маълумотларига кўра, 2013 йилнинг 8 октябрида 100 долларлик купюранинг янги нусхаси муомалага чиқарилади.

 Янги купюра имкон қадар сохталаштиришдан ҳимоя қилинган. Мисол учун, олд тарафида уч ўлчамли ҳимоя лентасида қўнғироқчалар акс этган бўлса, орқа томондан қараганда у 100 рақамига айланиб қолади.

Бенжамин Франклиннинг ўнг томонида эса «сиёҳдондаги қўнғироқ» тасвирланган бўлиб, купюрани қия қилганингизда унинг ранги сариқдан яшилга ўзгаради. Қўнғироқнинг ўзи ҳам турли бурчакдан қараганда, бир кўринади, бир ғойиб бўлади. Аввал қўлланилган ҳимоя виоситалари ҳам сақлаб қолинганини айтиш лозим.

 Manba:darakchi.uz