Украина Россиянинг Қора денгиз флоти ўз чегараларига яқинлашаётганини айтди

Sea Breeze қўшма ҳарбий машғулотлар чоғида АҚШ ва Украина ҳарбий флоти Қора денгизда Украина сув ҳудудига яқин жойда Россия флоти қисмлари жойлашганини аниқлади. Бу ҳақда УНН агентлиги хабар бермоқда.

“Ўқувлар чоғида Украина қуролли кучлари ўз сув ҳудудига ва иқтисодий зонасига бевосита яқинликда Россия Қора денгиз флоти кемалари: “Ладний” қоровул кемаси ва “Суздалец” қайиқларга қарши кемаси турганлигини аниқлади”, - дейилади хабарномада.

Айтилишича, ушбу кемаларни таниш мақсадида Украина қисмлари денгиз авиациясини ҳавога кўтарган. Бундан ташқари, қирғоқ қоровули қисмлари разведка воситалари ёрдамида объектларни кузатиб борган.