2015 йилда Қозоғистоннинг Ақтўбе вилоятида 62 нафар мактаб ўқувчиси ҳомиладор бўлгани аниқланди

2015 йилнинг шу даврига қадар Қозоғистоннинг Ақтўбе вилоятида 62 нафар мактаб ёшидаги қизнинг ҳомиладор бўлгани аниқланди. Бу ҳақда "Актобе Таймс" нашри минтақанинг бош акушер-гинекологи Максат Сергазин маълумотига асосланиб хабар берди. Шифокорнинг сўзларига кўра, 2014 йилда мазкур соҳадаги рақамлар бундан ҳам баландроқ бўлган: 99 нафар вояга етмаганлар ҳомилардорлиги қайд этилган. “Ҳуқуқни муҳофаза қилиш органлари ҳар бир ҳолатда номусга тегиш рўй бергани бўйича суриштирув ўтказмоқда. Болалар гинекологимиз Салтанат Тубулбаева шаҳар мактабларида жинсий тарбия бўйича семинарлар ўтказмоқда. Биз болалар ўртасида анкета сўровномаларини ўтказиб, аксарият болалар бу бўйича танишлари, ОАВ ва Интернетдан маълумот олишини аниқладик”, - дейди Сергазин. Унинг қўшимча қилишича, фақатгина 3 фоиз болаларга жинсий тарбия ҳақида ота-оналари маълумот беришади. Қишлоқ жойларга эса болалар гинекологларининг бориши имконсиз. У ерларда туман халқ таълими бўлимлари ходимлари иш олиб боришади.
Категория: DUYNO XABARLARI \| Теги: ҳомиладор, бўлгани аниқланди, Ақтўбе, 2015 йил, вилояти, Қозоғистон, 62 нафар, мактаб ўқувчиси
Просмотров: 2983 \| Рейтинг: 0.0/0