Ўзбекистонда Chevrolet Gentra ишлаб чиқарилиши тўхтадими?

Ўзбекистонда Chevrolet Gentra автомобилини ишлаб чиқариш тўхтатилгани ҳақидаги миш-мишларга «Ўзавтосаноат» ойдинлик киритди.  

Ушбу миш-мишлар мутлақо асоссиз. Маълум бўлишича, Ўзбекистон автосалонларида Chevrolet Gentra учун шартномалар йўқ. Шу каби сабаблар автомобилнинг чиқарилмаслиги ҳақидаги шов-шувга сабаб бўлган.

«Ўзавтосаноат» матбуот хизматининг маълум қилишича, бундай гап-сўзлар мутлақо нотўғри, модел янги, ишлаб чиқариш яқинда йўлга қўйилди, шунинг учун уни чиқариш тўхтатилиши ҳақида гап ҳам бўлиши мумкин эмас.