Yevropa Ligasida haftaning ramziy terma jamoasi e’lon qilindi

UEFA rasmiy sayti ushbu hafta davomida o‘tkazilgan o‘yinlarda faol ishtirok etgan, jamoasi g‘alabasiga hissa qo‘shgan va o‘z xatti-harakatlari bilan ajralib turgan futbolchilar ramziy terma jamoasi tuzdi.

Ramziy terma jamoadan quyidagi futbolchilar o‘rin oldi:

Darvozabon: David Bichik (“Sparta”);

Himoyachilar: Kosta Namoinesu (“Sparta”), Kiriakos Papadopulos (“Bayer”), Adil Rami (“Sevilya”);

Yarim himoyachilar: Ladislar Kreychi (“Sparta”), Filippe Koutinyo (“Liverpul”), Genrix Mxitaryan (“Borussiya” D), Xose Antonio Reyes (“Sevilya”);

Hujumchilar: Rafa Silva (“Braga”), Arits Aduris (“Atletik”), Pyer-Emerik Obameyang (“Borussiya” D).

Eslatib o‘tamiz, Shveysariyaning Nyon shahrida 18-mart, juma kuni futbol bo‘yicha Yevropa Ligasi chorak final bosqichiga qur’a tashlash marosimi bo‘lib o‘tdi va chorak final juftliklari aniqlandi. Shorak finalning dastlabki uchrashuvlari 7-aprel kuni, javob uchrashuvlari esa 14-aprel kuni bo‘lib o‘tadi.