“Beeline”нинг тунги чексиз акцияси доимий хизматга айланди

"Beeline” алоқа оператори мобил Интернет фойдаланувчилари учун "Do It” чексиз акцияси доимий амал қилувчи хизматга айлангани ҳақида хабар беради.  

Энди компания абонентлари кунига $1,5 эвазига 01:00дан 09:00 гача чексиз интернетдан муддатсиз фойдаланишлари мумкин. 

"Ўзбекистонда биринчи хақиқий чексиз Интернет "Beeline” мижозлари орасида хақиқий хитга айланди, – воқеани шарҳлади "Unitel”нинг тижорат директори Дмитрий Григорьев.

– Юз минглаб абонентларимиз янги хизматнинг устунликларини баҳолашди ва ижтимоий тармоқлар ва call-маркази орқали биз акцияни узайтириш ҳақида жуда кўп сўровлар олдик. Ушбу таклифларни эътиборга олган ҳолда, биз фойдаланувчилар учун "Do It”ни бутунлай қолдиришга қарор қилдик”. 

Хизмат "Status” ва "Zo‘r-Zo‘r Megabit” тариф режаларидан ташқари барча prepaid тарифли абонентлар учун мавжуд.