Toshkentda 2 balli zilzila kuzatildi

Toshkentda soat 15:24 da 2,0 magnitudali zilzila kuzatildi. Bu haqda Toshkent seysmostansiyasi “Daryo”ga xabar berdi.

Yevropa—O‘rtayer dengizi seysmologiya markazi saytida zilzila bo‘yicha batafsil ma’lumot berilgan. Unga ko‘ra, 5,3 magnitudali zilzila epitsentri Dushanbe shahridan 275 km janubi-sharqda, Afg‘oniston hududida joylashgan. Epitsentr chuqurligi esa yer yuzasidan 100 km masofada joylashgan.

Qizig‘i shundaki, 2013-yil 6-dekabr kuni xuddi shu payt (15:24) da 5,0 magnitudali zilzila kuzatilgan.