Rossiyada it uch yoshli bolani g‘ajib o‘ldirdi

Rossiyaning Pskov viloyatida it yosh bolani g‘ajib tashlagach, huquqni muhofaza qilish organlarining tezkor guruhi Ostrov tumanidagi Akatovo qishlog‘ida sodir bo‘lgan ushbu mudhish hodisa joyida tergov ishlarini olib bormoqda. Bu haqda “ITAR-TASS” xabar berdi.

Bobosi va buvisiga tegishli bo‘lgan uy hovlisida o‘ynab yurgan uch yoshli bolakayga it hujum qilib unga jarohatlar yetkazgan, natijada bola vafot etgan. Favqulodda vaziyat joyiga yetib kelgan tezkor harakat xodimlariga ham it tajovuzkorona munosabatda bo‘lgan. Politsiyachilar itni zararsizlantirish uchun xizmat qurolidan foydalanishga majbur bo‘lgan.